Societat
Rècord d'esquiaires en Baqueira-Beret en ua temporada damb 1.055.180 visitaires
09/04/2024
Baqueira-Beret metec en foncionament es remontadèrs aguest iuèrn eth dia 25 de noveme e enquiath sòn barrament eth 7 d'abriu a enregistrat 135 dies de foncionament enes sectors de Vaquèira e Baciver e 125 enes de Beret e Bonaigua. Non li a calgut pas barrar cap dia per meteorología advèrsa, encara qu'òc quauque remontadèr o zòna concrèta en dies puntuaus, per çò qu'es visitants an pogut gaudir en un naut percentatge dera amplor des 2.273 A d'airau esquiable que ne dispòse eth domeni.
Destacar qu'era estacion a protagonizat es sues sasons d'afluéncia istorica dempús dera pandemia damb er anterior recòrd enregistrat en 2021-2022 damb 1.033.453 dies d'esquí venut e era següenta sason 2022-2023, era sua dusau melhora sason enquia aguest moment, damb 990.032. Aguest hèt refortilhe era tendéncia qu'es activitats de torisme ar aire liure an aumentat eth sòn nombre d'assistents des deth confinament de 2020 e qu'es espòrts d'iuèrn gaudissen de bona salut.
Eth dimenge 7 d'abriu Baqueira-Beret finalizèc era sason 2023-2024, damb ua dimenjada de capitada musicau damb eth Polar Sound plen enquiara banèra, en tot superar eth milion d'esquiaires damb chifra finau de 1.055.180 en tot enregistrar eth recòrd istoric d'afluéncia des dera dubertura en 1964 en un iuèrn qu'a estat mès shut de çò de normau ena zòna.
HÒNT: BAQUEIRA-BERET
HÒNT: BAQUEIRA-BERET
Manu Moga