Salardú a iniciat dejà es sues hèstes damb era tradicionau trobada des creus deth 3 de mai. Un acte mercat pera ua intensa ploja que non dèc trèva en cap moment, mès que tanpòc evitèc era assisténcia de desenes de vesins deth municipi. Atau, es parapluèges enaigüèren Salardú en tot restar protagonisme as veritables reines d’aguestes hèstes: es creus.

Era Comission de hèstes de Salardú a agut en compde as persones de totes es edats entà conformar eth programa des hèstes d’enguan.

Es hèstes de Salardú s’esperlongaràn enquiath dimenge 6 de mai pera tarde, quan se bararàn es tipiques aubades ena plaça Major de Salardú.
Fin finau, vos desiram ues plan bones hèstes de Santa Creu a toti!