Eth professor de Fisica e Quimica der Institut d'Aran, Carles Fuentes Pagès, a artenhut era mencion d'aunor peth sòn trebalh de finau de màster en certamen "Ciencia en Acción 2017". 

Fuentes realizèc eth sòn trebalh, "Era fisica deth bachilherat damb simulacions Scratch", damb era collaboracion des sòns alumnes de prumèr de bachilherat deth cors 2015-2016.

Eth jurat li a concedit era Mencion d'Aunor de Trebalhs de Divulgacion Cientifica "per presentar era fisica de manèra originau e rigorosa, e peth sòn potenciau de milhorar er aprenentatge d'aguesta disciplina en bachilherat".

"Ciencia en Acción" ei un certamen internacionau a on participen divulgadors venguts de tot eth mon: Estats Units, Mexic, Colombia, França, Portugal, Marròc...

Eth professor Fuentes remassarà eth premi eth pròplèu 8 d'octubre en País Basc. 

Des dera direccion der Institut aranés s'a volgut felicitar a Carles Fuentes peth sòn gran trebalh pedagogic e de divulgacion cientifica, tant laguens coma dehòra deth centre. 

IMATGE: FACEBOOK OFICIAU DE CIENCIA EN ACCIÓN