Vielha a demostrat era sua solidaritat damb un pair deth pòble que se trape en ua situacion desesperada. Pablo Santos hè 15 mesi que non pòt veir ara sua hilha, Noa, que se trape en Uruguai damb era mair. Pendent tot aguest temps, Pablo a sajat de veir ara mainada, mès era mair s’a negat a tornar tà Vielha. Uruguai emetec ua senténcia favorabla a Pablo entà qu’era mair retornèsse ara hilha tà Espanha, mès eth jutjat de Vielha s’auie declarat incompetent deuant d’aguest senténcia. Ara damb eth cambi de jutgessa, semble a èster qu’es postures s’apròpen, e qu’era esperança de Pablo torne a créisher.

Es vesins e amics d’aguest pair d’origen asturian li an mostrat eth sòn supòrt en ua concentracion amiada aguest dimèrcles deuant des Jutjats de Vielha e que tanben les a portat a caminar pes carrèrs deth cap-lòc enquiar Ajuntament e era sedença deth Conselh Generau d’Aran. A compdar de deluns, quan era naua jutgessa sigue en Vielha, veiram se se produsissen cambis ena situacion de Pablo e Noa.