Eth parc de fauna e flòra autoctòna dera Val d’Aran, Aran Park, dejà a iniciat era sason d’ostiu, ena que demore obtier ua grana quantitat de visitaires coma dejà ei de costum. Cada an, aguesta installacion atrè era preséncia de mès torisme arribat autant d’Espanha coma de França.

Era vasta aufèrta animau e vegetau qu’aufrís aguesta installacion ei un reclam fòrça important entara Val d’Aran. Coma tostemp, es ossi e es lops son es grani atractius qu’a eth parc, mès d’autes espècies domestiques coma es crabes o es somèrs tanben agraden, sustot ara mainadèra, que non dobte en apropar-se e prener-se fotografies damb eri.

Aran Park ei dubèrt enquiath pròplèu mes de noveme. Per tant, encara manquen sies mesi entà que toti aqueri que volguen veir era fauna e era flòra dera Val d’Aran, poguen anar-i e gaudir d’ues installacions que permeten auer as bèsties en semi-libertat, entornejats dera natura dera Val d’Aran, en un ambient ideau.