Er Otèl Montarto de Vaquèira a acuelhut era celebracion dera Prumèra Net deth Torisme dera Val d’Aran. Pendent aguest acte, en quau i assistiren fòrça des representants des desparières establiments que trebalhen en sector toristic, era conselhèra de torisme, Anna Díaz, aufric un resum sus era Memòria deth trebalh amiat a tèrme per Foment Torisme Val d’Aran en 2016. En aguest sens, eth pressupòst d’ingressi d’aguesta entitat pendent eth darrèr exercici siguec de lèu 712.000€.

Ath delà, en 2016, se destineren 945.000€ a campanhes de promocion e ahèrs de torisme, a on destaque era inversion de 400.000 € qu’apòrte eth Conselh Generau d’Aran. Sus tot, s’a produsit ua nauta despena ena comunicacion a traués des hilats sociaus e d’autes plataformes a trauès d’Internet.