"Era Rota des còrners e espacis floridi", nau reclam toristic en Bagergue

23/06/2017

Bagergue a editat ua naua publicacion, consistent en un mapa que permet recórrer eth pòble seguint un totau de 25 punts d'interès (corraus, cases e d'auti espaci floridi) entà poder gaudir de toti es espacis toristics qu'aufrís eth pòble. 

Aguest mapa se cree laguens deth marc d'accions deth projècte Viles Florides, laguens deth quau Bagergue obtenguec era maximala distincion en an 2016 damb quate Flors d'Aunor, que demore poder ratificar ena edicion de 2017. 

Aguesta naua publicacion aurà ua tirada de 4.000 exemplars, que se distribuiràn enes establiments e punts d'informacion de Bagergue. Ath delà, aguest mapa anarà tanben includit laguens deth triptic que publique era EMD de Baguergue, damb ua tirada de 6.000 exemplars e que se repartís per otèls, apartaments e burèus d'informacion toristica de tota era Val d'Aran. 



Viles Florides ei ua iniciativa dera Confederacion d’Orticultura Ornamentau de Catalonha, que promò era transformacion de cornèrs, pòbles e ciutats de Catalonha a trauès des flors.

Un movement que vò mostrar e méter en valor era riquesa naturau e païsatgistica deth país mejançant era reconeishença publica de toti aqueri projèctes d’ajardinament, ornamentacion florau, mobiliari urban e espacis ludics que, tant en entorn public coma privat, se convertisquen en un exemple a seguir.

IMATGES: EMD BAGERGUE
Clara Villar