Era prumèra jornada deth Salardú Country Rock Festival celebrada ager siguec tot un èxit. Aguest eveniment internacionau va dejà pera sua quatau edicion e semble que cada an guanhe mès adeptes entre es amants deth country de tot eth mon.

Aguesta prumèra jornada deth festival comencèc damb dues des actuacions mès fòrtes: era de Manel Fuentes, versionant es grans èxits de Bruce Springsteen, e era de Dereck Ryan, tota ua celebritat internacionau deth genre. 

Ath delà pendent tot eth dia i auec en recinte musica e activitats dubèrtes entà tot eth mon, petits e grani.

En arribar era ora des concèrts, ua grana coa entà hèr-se damb era entrada des espectacles e laguens, era carpa de concèrts plia practicaments enquias limits.

Eth prumèr des quate dies dera hèsta americana de Salardú siguec tot un èxit, igual qu’ac seràn segurament es pròplèus jornades, que vien cargades de boni concèrts, dances, activitats variades e bon minjar.

Entà conéisher es activitats qu'auran lòc pendent eth dia d'aué, ac podetz consultar ena sua web.