Era Val d’Aran siguec un des prumèri territòris de tot er Estat en auer era lum retornada pr’amor qu’ath torn des 16:30 se hège efectiva aguesta situacion. Pendent tot eth maitin, era gran màger part de comèrci excèpte quauqun de consum aueren de barrar es sues pòrtes perqué non podien atier as sòns clients ne hèr cap tipe de facturacion. 

En Les e Bossòst, aueren petites intermitències de lum pendent eth meddia mercès a èster en ua zòna pròplèua a ua centrau termica.

En arribar era lum, se veiguec fòrça activitat empresariau, coma per exemple enes bars e restaurants que pogueren arrecéber as prumèri clients.

Ath delà, se produsiren en Aran tanben talhs intermitents a nivèu de telefonia en usatgèrs dera companhia Movistar, e dempús ena tarde tanben as de Orange e en cas de Wifi ena net, que retornèc ath torn dera 1 dera maitiada.