Era Val d’Aran viuerà aguesta net ua des sues jornades mès magiques, era vesilha de Sant Joan a on se hèn es tradicionaus hèstes deth huec, a on destaquen eth Taro d’Arties e eth Haro de Les.

Aguestes dues, concretaments, sigueren declarades patrimòni immateriau dera umanitat pera UNESCO en an 2015, per tant, hè dejà 10 ans des d’aguesta distincion a nivèu mondiau, qu’a permetut ua major proteccion e difusion respècte aguesta tradicion cententària.

Milenats de persones s’amassen en andús lòcs entà gaudir er inici dera sason d’ostieu a on es dues hèstes se caracterizen per èster completaments diferentes: en Arties, s’alugue eth Taro, se lance en solèr e se rossegue per tot eth pòble enquia arriba ena casa deth baile.

Per çò que hè en Les, er arbe ei quilhat enquia que què pera pròpria fòrça des ahlames.

Ath delà, des de hè mens de 5 ans, ena Val d’Aran tanben se cremen auets en Bausen, Betren o ena poblacion de Unha, era mès recenta a ahiger-se.