Arribe era 45au edicion dera Marxa Beret

31/01/2025

Es condicions seràn excepcionaus pr'amor dera nheuada queiguda enes darrères ores. Se demore era participacion de 700 fondistes.

Un des eveniments esportius mès importants de casa nòsta, era Marxa Beret, deja ei aciu. Era pròva, qu’auec era sua estrea en an 1978, arribe ara sua 45au edicion.

Eth programa serà dividit en dues parts ben mercades pr’amor qu’eth dissabte ei previst eth Campionat d’Espanha de Sprint by Iberdrola a on es milhors especialistes competirán en un circuit de 1,4 quilomètres en tot dar un parelh de torns ath Pla de Beret e damb dues pujades fòrça tecniques qu’es corredors auràn d’afrontar. Era participacion prevista entà aguesta competicion ei de 140 fondistes.

E dimenge arribe era pròva reina non sonque d’aguest programa senon de totes es competicions de caractèr nacionau, eth Campionat d’Espanha de Longa Distància enes recorreguts de 42 e 21 quilomètres. Mès de 700 fondistes i seràn presenti, entre professionaus e aficionats en tot gaudir d’ues condicions excellentes gràcies as darrères nheuades queigudes en territòri.

Dejà se premanissen es darrèrs detalhs entà qu’aguesta hèsta der esquí de hons nacionau torne a arrincar damb ua prevision meteorologica tanplan bona entà aguesta jornada de dimenge.

Àlvar Ordoñez