Era Comission Bilaterau qu’amasse ara Generalitat de Catalonha e eth Conselh Generau d’Aran s’a trobat per prumèr viatge des dera arribada deth nau govèrn catalan. En aguesta, s’a parlat fonamentauments deth nau acòrd de finançament qu’aurà d’aprovar-se a darreries deth 2025, era creacion d’ua taula d’abitatge entà cercar solucions ad aguesta grana problematica ena zòna o era declaracion institucionau dera reconeishença ara singularitat dera Val d’Aran.

Aguest darrèr ahèr siguec justaments ua des granes reivindicacions dera Sindica d’Aran, Maria Vergés, ara compareishença que hec ena sedença deth Parlament a darreries deth mes de noveme. Ua peticion qu’a estat remassada peth Conselhèr dera Presidéncia, Albert Dalmau,qu’a presidit era Comission peth costat  dera Generalitat.

Eth finançament ei ua des ahèrs mès importanti tà Aran, que cau rebrembar  van estacadi ara aprobacion des pressupòsti catalans.