ACTUALITAT
Dus detenguts pera Policia Nacionau ena Val d'Aran damb 13.382 gachets d'extasi
08/05/2024
Era Policia Nacionau a detengut dues persones ena localitat de Les per un presomptiu delicte de trafic de drògues, e les an requisat 13.382 gachets. Es hèts succediren eth passat dia 3 de mai quan es agents, en un contraròtle policèr, hèren a parar un veïcul e observèren era inquietud des ocupants
Era policia les demanèc que daurissen eth maleter entà hèr-ne ua inspeccion e trobèren quate borses que contiegen multitud de gachets. Amassa damb es gachets, s'intervengueren 2.128 èuros en efectiu. Es investigadors estúdien era possibilitat qu'es detenguts hèsquen part d'ua organizacion criminau qu'opère entre Espanha e França. Es detenguts passèren a disposicion dera Jutjada d'Instruccion de Vielha.
Es gachets que contiegen es borses èren de color verd damb forma de solei e damb eth diboish dera corona d'un relòtge, de color grisenc damb ua forma semblabla a piles de vira-solei, de color ròsa intensa en forma rectangular e damb diboishi imitant ua coneishuda mèrca e de color ròsa encunhades. Totes eres anauen envasades ad uet.
Es detenguts s'identifiquèren damb documentacion italiana e franceses, era quau mostrèren en un telefòn mobil. Ja en Comissariat se contactèc damb es equipes centraus de verificacion de documents estrangèrs qu'emeteren un informe provisionau de falsetat documentau d'ambdues imatges que non auien correspondéncia damb era numeraciob qu'aurie d'aparéisher enes documents mostradi.
HÒNT: ACN
Es detenguts s'identifiquèren damb documentacion italiana e franceses, era quau mostrèren en un telefòn mobil. Ja en Comissariat se contactèc damb es equipes centraus de verificacion de documents estrangèrs qu'emeteren un informe provisionau de falsetat documentau d'ambdues imatges que non auien correspondéncia damb era numeraciob qu'aurie d'aparéisher enes documents mostradi.
HÒNT: ACN
Manu Moga