Era incorporacion de Peus ath Conselh dera FIS represente ua oportunitat unica entà qu'Espanha age ua votz mès activa e considerabla enes decisions que se preneràn enes pròplèu ans deuant un scenari caracterizat per un gran dinamisme e cambiaments significatius impulsadi pes naues tecnologies e eth projècte de centralizacion de drets de TV.

Espanha a estat, ath costat de Liechtenstein e Dinamarca, un des païsi que s'an ahijut ath Conselh existent en escambi de quauqui païsi qu'an gessut deth madeish coma Australia, Republica Chèca entre d'auti.

May Des deth maximal organ de govèrn dera FIS trabalharà entara evolucion e aumentacion des practicants des espòrts d'iuèrn, atau coma entà deféner es interèssi des espòrts d'iuèrn espanhòu a on se demore contunhar damb es excellenti resultats obtengudi.

Eth president RFEDI en sòn discors deuant era FIS parlèc dera mission e vision de transformar es espòrts de nhèu e fomentar eth creishement equitatiu e sostenible des espòrts de nhèu en tot eth mon, en tot impulsar-les ara avantgarda dera reconeishença mondiau. Transformar es espòrts de nhèu en un fenomèn globau, cautivant ath public internacionau damb era sua innovacion, emocion e pur gaudiment. Ath finalizar a destacat que "junher-se ath Conselh dera FIS represente un compromís inquebrantable entà dar forma a un futur qu'es espòrts de nhèu trascendisquen es termières geografiques, es diferéncies culturaus e es limitacions fisiques".

May Peus Espanha: "Sò fòrça content. Arténher açò ei fòrça responsabilitat donques qu'a estat era reconeishença ath trabalh realizat es darrèri 10 ans a on auem guanhat era confidança dera FIS, mès sustot deuant es excellenti resultats des nòsti esportistes. Tanben auíem eth compromís de potenciar e internacionalizar eth nòste espòrt".


HÒNT: RFEFI