Era Val d'Aran ges en carrèr Ena 30au Corsa Aran Per Sa Lengua, entà reivindicar er emplec der aranés

28/07/2024

Gran ambient reivindicatiu dera lengua e cultura araneses pendent era celebracion aguest dimenge dera 30au Corsa Aran Per Sa Lengua.


En Vielha, fòrça gent procedenta des caminades de Montgarri, Les e eth Pòrt de Vielha s'a amassat entà viuer era part finau dera hèsta.


Ena Plaça d'Aran, totaument plia de gent, s'an liejut es tradicionaus parlaments per part de Lengua Viua, s'a liurat eth Prèmi Lengua Viua, qu'enguan s'a autrejat as collaboradors abituaus dera Corsa (entre es qui i è er Ajuntament de Vielha e Mijaran), e s'a barrat era jornada damb eth concèrt de Nadau.

Gràcies a toti/es per mantier viua aguesta hèsta dera lengua aranesa, en uns moments fòrça difícils entara sua supervivença. 


HÒNT: AJUNTAMENT VIELHA E MIJARAN 
Manu Moga