ACTUALITAT
Es Mossos d'Esquadra detien quate persones ena Val d'Aran e recupèren 85 mobils de nauta gamma sostrets en Andòrra
15/11/2023
Es lairons hugiren en taxi, en direccion entà França, dempús de patir un accident en Pòrt de Cabús, entre era Massana e Alins, e acabèren en tot èster detengudi en Salardú
Se recuperèc 85 mobils e d'auti aparelhs electronics avaloradi en lèu 120.000 èuros.
Agents dera Policia dera Generalitat-Mòssos d'Esquadra detengueren dimars quate òmes, d'edats comprenudes entre es 20 e 31 ans, coma presomptius autors d'un delicte de receptacion.
Es hèts s'inicièren a prumèra ora quan s'auec coneishença que pendent era maitiada deth madeish dia s'auie cometut un panatòri damb fòrça en un establiment comerciau de materiau electronic d'Andòrra la Velha. Uns desconeishudi trinquèren era veirina e panèren fòrça mobils de nauta gamma e d'auti aparelhs electronics.
HÒNT: MOSSOS D'ESQUADRA
HÒNT: MOSSOS D'ESQUADRA
Manu Moga