ACTUALITAT
Eth Conselh Generau d'Aran a jos vigilància un os joen apròp d'un camin forestau en Canejan
24/09/2023
Eth Conselh Generau d'Aran hè dies que susvelhe un os joen que se bolude apròp d'ua pista forestau en municipi de Canejan, en Baish Aran
Hònts deth Conselh Generau indiquèren ager ath jornau La Manyana que "actuauments encara non se complissen es condicions pr'amor que se li calgue horabandir mès ei jos vigilància entà veir se reincidís, mès enquia ara non se l'a tornat a veir".
Des dera organizacion ecologista Depana alertauen ager qu'er exemplar hè dies qu'ei avistat ena zòna deth Baish Aran e dat que freqüente ua zòna aprop d'ua pista forestau poirie auer-i "subersauts" damb cercadors de misharnons o caçaires.
Marc Alonso, de Depana, demane ath Conselh qu'aplique eth protocòu en aguestes circunstàncies e aluenhe er animau "pr'amor qu'arrés non vò cap conflicte damb era animau".
HÒNT: LA MANYANA
HÒNT: LA MANYANA
Manu Moga