ACTUALITAT
Eth govèrn d’Aran presente es sòns objectius entara legislatura 2023-2027
17/11/2023
Er acte de presentacion deth Plan de Govèrn, en que s’an detalhat, per departaments, quines son es actuacions e politiques a implementar enes pròplèu 4 ans, respon ara volontat deth govèrn d’Aran de balhar compde des sues actuacions, dar a conéisher es sòns objectius e apropar era institucion as persones
Eth govèrn deth Conselh Generau d’Aran a amiat a tèrme aguesta tarde era presentacion deth sòn Plan de Govèrn entàs pròplèu quate ans, un acte dubèrt ath public, qu’a estat tanben retransmetut en dirècte e que respon ara volontat deth govèrn d’Aran de balhar compde des sues actuacions, dar a conéisher es sòns objectius e apropar era institucion as persones.
“Deth govèrn d’Aran ençà impulsam es nòsti projèctes e politiques ath torn de tres èishi estrategics: era atencion as persones, eth desvolopament territoriau e era consolidacion der autogovèrn aranés”, apuntaue era sindica d’Aran, Maria Vergés, ena sua intervencion, en tot híger que: “amiam a tèrme aguesta presentacion coma un exercici de transparéncia damb era nòsta ciutadania e perque volem tanben méter en valor era institucion”.
En aguest acte, s’an detalhat, per departaments, quines son es actuacions e politiques a implementar enes pròplèu 4 ans entà impulsar economica e sociaument era Val d’Aran.
Totes es persones que non agen podut assistir ara presentacion, pòden recuperar-la e consultar toti es ahèrs que s’i tractèren en canal oficiau de YouTube deth Conselh Generau d’Aran: https://youtube.com/live/nzuGo69Qsos
HÒNT: CONSELH GENERAU D'ARAN
HÒNT: CONSELH GENERAU D'ARAN
Manu Moga