Er Ajuntament de Vielha e Mijaran a iniciat es òbres dera plaça Coto Març dera poblacion de Vielha

En aguest sens, se vò aufrir protagonisme as pedonhs, en ua intervencion que se compren coma ua prepausa globau que vò omogeneïzar era plaça e eth sòn entorn entà méter en valor es elements caracteristics existenti (era Glèisa Sant Miquèu, es façades e era vegetacion) e connectar-se damb eth centre istoric.

Ena plaça i aurà un paviment caracteristic que ligarà es desparières zònes e accèssi, en tot favorir es circulacions intèrnes en quinsevolha direccion e sentits possibles entre es carrèrs que i arriben. 

Atau madeish, i aurà un seguit de mobiliari urban qu’ajudarà a acotar er espaci reservat ath transit.

Pendent es setmanes que dure era actuacion era pròpria plaça serà barrada, autant coma trams de diuèrsi carrèrs coma eth Major, Sarriulèra o Sobernedo.