Naut Aran amièc a tèrme un acte vinculat ara gastronomia a on mès de 200 persones s’amassèren ena Sala Polivalenta de Salardú entà gustar plats tipics de tardor qu’auien coma èish centrau eth misharnon, concretaments ena màger part de casi eth cep, tanben nomentat boletus edulis.

En aguest recient se hèc un showcooking dera man de 6 restauradors d’aguest municipi a on codinèren cadun un plat que siguec aufrit de forma gratuïta a toti es assistenti. En aguest sens, eth restaurant Pirenasian hèc ues gyozes de misharnons dera Val, er unhòla ua lasagna de pisto e ceps damb saussa d’espargòla sauvatja e lactets de puerro, er urtau ua crema de ceps, biniaran un canelon de ceps, rufus croquetes de ceps e pie de pista un mosset de rostit de vedera e ceps.

Ua accion qu’auec ua excellenta acuelhuda per part de toti es vesins e d’auti visitaires que s’apropèren e que sonque auien de vier a remassar un tiquet entar Ajuntament de Naut Aran.

Er acte s’emmarcaue laguens deth programa dera hèira ramadèra de Salardú, a on es diuèrses explotacions ramadères baishèren entath recinte heirau entà seguir damb aguesta tradicion cententària. Fin finau, ena tarde, tanben se hèc ua activitat entara mainadèra damb un vrespalh de fruta e espectacle infantiu nomentat “era Princesa codinèra”.