Es vesins deth pòble de Les celebraràn aguest dissabte era hèsta dera Shasclada der Haro, eth 2au des actes que hèn part des activitats culturaus ath torn des hèstes deth huec. Pendent tot eth maitin es martèths seràn es grani protagonistes ena Plaça der Haro. Damb aguestes airines se clauaràn  es cunhes en soc entà poder daurir-lo e favorir que se pogue secar. 

Aguesta tradicion s’inicièc hè mès de 20 ans e fòrça vesins e vesies e visitaires, s’apròpen cada an tà gaudir d’ua activitat qu’atrè era atencion autant dera gent grana, coma dera mainadèra. 

Er haro, un viatge shasclat, se deisharà ena plaça, e en tot coincidir damb era hèsta de Sant Pere, s’amiarà era tradicionau Quilha der Haro, quan er arbe serà plaçat dret, e presidirà era Plaça enquiara vigília de Sant Joan der an que ven.

Era Quilha der Haro barrarà es activitats culturaus ath torn des hèstes deth huec e der haro d’enguan,e calerà demorar ath mes de mai der an que ven, entà iniciar-les de nau, damb era Shasclada