Pendent aguest fin de setmana s’a desvolopat ena Val d’Aran era HOKA Val d’Aran by UTMB, er eveniment de trailrunning mès important de tota Espanha pr’amor qu’an anat enquia aguest territòri mès de 6.000 corredors que provenguien de mès de 80 païsi.

Tota ua ita istorica e que genère un gran impacte economic en aguest parçan pr’amor qu’ath delà des participaires tanben s’apròpen es sòns acompanhaments que de mieja vie ua persona mès.

Totes es pròves se pogueren disputar a despiet dera meteorologia que siguec fòrça cambianta pendent totes es jornades. Per tant, es diuèrsi finishers des pròves de 15, 30, 52, 103 e mès de 140 km pogueren hèr a tocar era campana, que mèrque era fin dera corsa.

Naut Aran, Vielha e Mijaran e eth Baish Aran sigueren grana part des emplaçaments per a on passèc era UTMB en tot atrèir ua grana atencion entre vesins d’Aran e es visitaires e acompanhants que vengueren.

Cau destacar que lèu era meitat des corredors èren de nacionalitat espanhòla e era auta meitat apertie a corredors dera rèsta deth mon en tot destacar qu’er eveniment a prenut ua grana importància a nivèu internacionau.