Era Brigada de Servicis deth Conselh Generau dera Val d’Aran a trabalhat aguestes setmanes ena conservacion e milhora des camins e pistes dera Val. Ath long d’aguesti dies s’an hèt es següentes intervencions:

S’a procedit ara installacion dera naua senhalizacion en diuèrses zònes entà milhorar era seguretat e orientacion des usatgèrs.


S’an netejat e milhorat es passi canadencs situadi en diferentes pistes forestaus entà garantir-ne era accesibilitat.

S’an hèt trabalhs de reparacion e aishamplament dera pista d’Uishèra, tà milhorar-ne es condicions de circulacion e seguretat.


Auem apariat e installat mobiliari nau, ath torn deth Centre d’Interpretacion dera Artiga de Lin e cambiar es taules dera base deth pònt deth Saut de Colomèrs, en camin dera Montanheta .

S’a acabat eth desbrossatge de diuèrsi camins, damb talh d’arbres e desbrossatge dera vegetacion entre Aubèrt e Vila.


A conseqüéncia des botassades pes fòrtes ploges, s’an neteja’t es pistes damb era retroexcavadora entà restablir-ne eth pas e tanben s’an netejat toti es passi d’aigua ath long dera pista de Valarties e Tuca.

S’an hèt trabalhs de desbrossatge dera vegetacion enes entorns des casetes e banhs deth parcatge dera Artiga de Lin, e tanben en parcatge des Uelhs deth Joeu, tà milhorar-ne era visibilitat e era accessibilitat.

S’a apariat era barana e es escales deth camin des Uelhs deth Joeu ath Plan dera Artiga .


S'a intervengut en esbauç ena zòna deth depòsit de gas de Vielha .

Ena pista dera Bassa d’Arres s’a procedit a trèir branques i a bracar es arbes que dificultauen era visibilitat i eth pas des veïculs, tà milhorar era seguretat dera circulacion.

Se està trebalhant ena installacion de baranes de proteccion en circuït dera Mina Victòria.