ACTUALITAT
Torne a nheuar ena Val d'Aran
Damb aguesta situacion se garantís que se pogue hèr era Marxa Beret e aufrís ues bones perspectives entath mes de hereuèr, eth mès potent a nivèu d'ocupacion toristica.
Torne a nheuar ena Val d’Aran. Es precipitacions en forma de nhèu an arribat entath territòri en ua còta que se plaçarà entre es 1300 e es 700 mètres damb eth pas des ores, a on nheuarie en tot eth territòri.
Dejà s’an acumulat mès de 10 centimètres ena estacion d’esquí de Baqueira Beret ena còta 1500, e en poblacions coma Salardú se pòt comprovar era intensitat d’aguest fenomen a on es tèts autant des viuendes coma des veïculs comencen a pintar-se de color blanc.
Aguesta situacion coincidirà damb eth fin de setmana dera Marxa Beret, en tot garantir que se pogue amiar a tèrme sense cap tipe de problèma. Es previsions indiquen que s’alongarà era nheuada enquia dissabte en maitin, moment en quau s’harà eth Campionat d’Espanha d’Sprint en Plan de Beret. De cara ath dimenge, era Marxa Beret ena sua 45 au edicion aurà ua excellenta imatge gràcies ad aguestes precipitacions enes diuèrsi circuits que se prepausaràn.
Era nhèu tanben permeterà afrontar ua bona sason d’iuèrn a compdar deth mes de hereuèr, qu’ei considerat eth mès potent a nivèu d’ocupacion ena Val d’Aran.