Vielha e Mijaran encète eth calendari d’eveniments esportius d’ostiu aguest pròplèu 14 de junh, damb eth que se demore competicions de naut nivèu internacionau pendent es mesi de junh e seteme.

Vielha e Mijaran tornarà a èster er epicentre de nauta montanha en çò que tanh a competicions esportiues en desparières disciplines coma trail-running, ciclisme e mototorisme.

Era Val d’Aran by UTMB, deth 2 ath 6 de junhsèga, serà era competicion mès multitudinària, qu’acuelherà en municipi a 6.000 corredors. Sonque aguesta competicion ja compòrte ua repercusion economica de 4 milions d’èuros.

En sòn conjunt, Vielha e Mijaran serà escenari de pròves esportiues de tot tipe pendent 3 mesi: ciclisme, corses de montanha e concentracions mototoristes, que supausaràn ua repercusion milionària en benefici de tot eth sector toristic deth municipi, en tot plaçar Vielha e Mijaran coma epicentre esportiu deth Pirenèu.

Des der Ajuntament de Vielha e Mijaran auem trabalhat entà recéber, un ostiu mès, tota ua sòrta d’eveniments esportius que placen a Vielha e Mijaran en mapa internacionau der espòrt en desparières disciplines (ciclisme, trail running e mototorisme), e que mantierà ath sector toristic trabalhant de valent pendent tot er ostiu”, comente eth baile de Vielha e Mijaran, Juan Antonio Serrano. E ahig que “era màger part d’aguesti eveniments an Vielha e Mijaran coma lòc de gessuda e d’arribada, que favorirà ua grana sason d’ostiu, damb fòrça torisme, fòrça espòrt, en tot plaçar-mos coma era destinacion preferenta e que mès eveniments esportius organize en tot Pirenèu”.


HÒNT: AJUNTAMENT DE VIELHA E MIJARAN