Era Brigada de Servicis continue damb es trabalhs de manteniment e neteja des camins e pistes dera Val d’Aran. Aguesti dies s’an realizat es següentes actuacions:

S’an completat es trabalhs de desbrossament que barren es circuits dera Corsa Montlude, premanint es camins que trauèsse era Corsa des 15 Pòbles que se celebrarà eth dissabte 30 d'agost.

S’an reparat es cables plaçadi en entorn naturau deth Saut deth Pish, entà garantir era seguretat des usatgèrs.

S’a realizat eth desbrossament damb tractors e tanben damb desbrossadores manuaus entà facilitar er accès e melhorar eth pas tara pista de Portet.

Trabalhs de neteja e manteniment damb tractor e desbrossadores manuaus entà garantir accessibilitat e seguretat dera pista de Vila enquiara corba deth barranc, seguint damb es entorns des accèssi as pòbles e Varradòs.

S’an remplaçat es bancs plaçadi ath cant deth Centre d’Interpretacion dera Artiga de Lin.


HÒNT: CONSELH GENERAU D'ARAN