Tant era installacion deth DEA coma era organizacion deth cors an estat impulsades pera EMD de Bagergue, damb eth supòrt economic e institucionau dera Deputacion de Lhèida. Aguesta cooperacion a permetut que eth cors sigue gratuït e d’accés dubèrt a tota era poblacion.

Ath cors an assistit vesins e vesies de Bagergue e tanben d’auti endrets dera Val d’Aran. Es assistents an aprenut a identificar ua parada cardiorespiratòria, aplicar maniòbres de reanimacion (RCP) e utilizar eth DEA damb seguretat e eficàcia.

Era formacion a combinat teoria damb pràctiques reaus sus maniquins, e s’a realizat damb eth supòrt de personal format en emergéncies. Aguesta experiéncia renfòrce era capacitacion des vesins entà respóner ath moment en què cada segon compde.

Educar en emergéncies sanitàries ei clau entà previer e redusir risqui. Damb aguesta accion, Bagergue se consolide coma un pòble comprometut damb era salut publica e premanit entà protegir era vida des sòns abitants e visitants.

Declaracions der alcalde de Bagergue, Marc Tarrau:

«Damb aguesta accion hèm un pas entà deuant entà hèr de Bagergue un pòble més segur e premanit. Era installacion deth DEA e era formacion dubèrta entara ciutadania son accions reaus que pòden hèr era diferéncia quan se trcte de sauvar ua vida. Apostam per un modèu de pòble actiu, responsable e compromtut damb era salut e eth benèster collectiu. Voi dar es gràcies sinceres a totes es persones qu’an participat en eth cors e ath supòrt institucionau dera Deputacion de Lhèida, qu’a estat clau entà hè’c possible».

Era EMD de Bagergue vò arregrair a totes es persones participantes eth sòn compromís e implicacion, e reafirme era sua volontat de contunhar trabalhant entà un futur mès segur entà toti.


HÒNT: EMD DE BAGERGUE