Era Val d’Aran tanben a notat es efèctes d’aguest temporal a on pendent era maitiada s’an produsit fòrtes ventades qu’an causat grani desperfèctes en toti es municipis deth territòri. Per exemple, en Vielha e Mijaran, i a auut diuèrsi arbes queigudi qu’an estat retiradi a prumèra ora deth maitin peth grop de Pompièrs e Emergéncies o tanben granes afectacions en cementèri de Vielha a on se pòt apreciar damatges en diuèrses tombes qu’an queigut es sues crotzes en tot trincar-se o es murs que recobrissen aguesti espacis.

Er Ajuntament de Vielha e Mijaran o era EMD de Gausac an emetut comunicats aguest madeish maitin en tot demanar as vesins que s’apropèssen entà revisar es tombes des sòns difunts.

En d’auti parçans coma Bossòst s’an vist contenidors de lordères en arriu Garona pr’amor dera fòrça deth vent o tets en-honsadi. Afortunadaments, sonque s’an auut de lamentar pèrtes materiaus e cap de personau.