S’avalorat e destacat a OVIHUEC.DAT ena categoria d’impacte e efècte multiplicador peth sòn modèl pionèr ena formacion d’un ramat public coma airina de gestion deth territòri e prevencion d’incendis.

Eth reconeishement, presidit pera vicepresidenta tresau deth govèrn e ministra entara Transicion Ecologica e Rèpte Demografic, Sara Aagesen, damb era preséncia deth secretari generau entara Transicion Ecologica, Francés Boya , s’autregèc ath conselhèr d’Innovacion deth Conselh Generau e alcalde de Vilamòs, Oriol Sala e ara investigadora deth cicle dera vida der IRTA, Montse Nuñez.

Aguest prèmi ei resultat deth balanç hèt peth Plan de Recuperacion, Transformacion e Resiliéncia (PRTR) entà reconéisher eth treball de 39 entitats e projèctes qu’an mercat era diferéncia ena execucion des inversions destinades ara transicion ecologica en tota Espanha.

Mès informacion: https://lc.cx/oxfYb8


HÒNT: CONSELH GENERAU D'ARAN