ACTUALITAT
Vielha e Mijaran participe ena candidatura "Pirineu Català 2023, Comunitat Europea de l'Espòrt"
01/07/2022
Vielha e Mijaran participe ena candidatura "Pirineu Català 2023, Comunitat Europea de l'Espòrt", damb era que se vò promòir eth territòri, en tot reconéisher es principis de responsabilitat e etica, en tot auer en compde qu'er espòrt ei un factor essenciau dera societat entà milhorar era qualitat de vida e benèster psicofisic, ath delà de favorir era integracion complèta de tot tipe de persones e agents sociaus dera comunitat.
HÒNT: AJUNTAMENT VIELHA E MIJARAN
Eth baile de Vielha e Mijaran, Juan Antonio Serrano, a recebut ath baile de Ajuntament de Puigcerdà, Albert Piñeira Brosel, a Jordi Congost, responsable executiu dera candidatura, e as membres dera Comission Avaloradora de ACESEurope, qui autrege aguesta distincion en nòm dera Union Europèa e dera UNESCO.
Vielha e Mijaran destaque per èster un municipi capdeuantèr en Pirenèu en numerò d'installacions esportiues, enes qu'era gent dera Val d'Aran e visitaires pòden gaudir ath long der an. En aguest sens, eth cortègi a podut visitar eth Palai de Gèu e eth Palai d'Espòrts.
Aguesta candidatura a estat impulsada per Ajuntament de Puigcerdà e era Fundació Catalana per a l'Esport, damb eth supòrt des 10 conselhs comarcaus deth Pirenèu (en tot includir eth Conselh Generau d'Aran), era Diputació de Girona, Diputació de Barcelona, Diputació de Lleida e eth Departament Exteriors Catalunya.
Pendent eth pròplèu mes de junhsèga se coneisherà eth veredicte dera Comission Avaloradora, entà saber s'era candidatura artenh aguesta distincion.
HÒNT: AJUNTAMENT VIELHA E MIJARAN
Manu Moga