Agricultura e ramaderia
Er Ajuntament de Vielha e Mijaran digitalize es procèssi de manteniment e incidéncies deth departament d’òbres e servicis
27/05/2024
Aguesta naua airina de gestion intèrna permeterà auer ua màger eficiéncia ena gestion des incidéncies, en tot enregistrar toti es trabalhs que desvolòpe eth personau dera brigada
Aguesta naua airina de gestion intèrna, permeterà auer ua màger eficiéncia ena gestion des incidéncies, en tot enregistrar toti es trabalhs que desvolòpe eth personau dera brigada, en tot poder controtlar eth sòn estat, categorizar-les e respóner rapidament a quinsevolh problèma emergent.
“Damb era implementacion dera App BQAIT milhoram era gestion deth departament d’òbres e servicis en tot establir ua comunicacion entre eth personau dera brigada e es desparièrs departaments intèrns der Ajuntament e es Entitats Municipaus Descentralizades, en tot poder solventar quinsevolha incidéncia dera manèra mès rapida, agila e eficienta”, comente era còsso d'Innovacion e Tecnologia de Vielha e Mijaran, Vanessa Fandiño. E ahig que “er equip de govèrn trabalhe fermament en modernizar e adaptar eth foncionament deth consistòri as naues tecnologies, en tot milhorar era gestion publica”.
HÒNT: AJUNTAMENT VIELHA E MIJARAN
HÒNT: AJUNTAMENT VIELHA E MIJARAN
Manu Moga