Er Institut d’Estudis Aranesi-Acadèmia Aranesa dera Lengua Occitana complís 10 ans. Des der an 2014 en que i ère er Institut d’Estudis Aranesi e dempús damb era posteriora fusion coma era Acadèmia, aguesta institucion a persutat des deth prumèr moment pera preservacion, normalizacion e difosion dera lengua aranesa.

Eth sòn prumèr president siguec Josep Loís Sans, qui siguec 8 ans ath front d’aguest ens e siguec substituït per Jèp de Montòya que pòrte aguesti dus darrèrs ans entestant era Acadèmia.

Entà hesteja’c s’harà ua trobada entre er Institut d’Estudis Aranesi e er Institut d’Estudis Catalans que se prorrogarà a deman dissabte a on s’escambiaràn opinions sus era situacion d’andues lengües.

ER IEA-AALO ei era maxima institucion lingüistica deth territòri e era encuedada en çò que tanh ara fixacion e resolucion de dobtes dera pròpria lengua.