Tath torn des dotze de meddia era Sala de Contròle d’Aran a arrecebut un avís a trauès deth 112, d’ua persona que s’a precipitat per un barranc ena zòna de Valarties.


Ua dotacion de sèt membres deth GRM des Pompièrs d’Aran s’an desplaçat en elicoptèr entar endret. En arribar i an localizat ath pacient, qu’auie queigut d’ua nautada d’uns 300 m per un barranc dera zòna. A estat evacuat tar elipòrt de Vielha, a on demoraue ua USVA damb personau medicau d’Aran Salut, qu’a verificat era mòrt deth pacient.


Eth Conselh Generau d’Aran hè a arribar es sues condolences ara familha e amics.


HÒNT: CONSELH GENERAU D'ARAN