S’a celebrat un nau plen der Ajuntament de Naut Aran, en aguesta escadença extraordinari, entà aprovar diuèrsi ahèrs vinculadi damb urbanisme. En prumèr tèrme s’an tornat a aprovar uns naui plecs tecnics administratius entath futurible centre civic e sociau pr’amor qu’es anteriors s’aueren de tirar endarrèr per un problèma tecnic.

Ath delà, un des ahèrs mès subergessents a estat era aprobacion per unanimitat dera modificacion des Normes Subsidiàries entara creacion d’un District Heating en Naut Aran. Rebrembam qu’aguest ahèr ei vinculat ara sostenibilitat pr’amor que cauharie equipaments publics damb biomassa.

Fin finau, en plen, tanben s’a hèt eth tiratge entara designacion des meses electoraus entàs eleccions europèes enes poblacions de Salardú e Arties.