Cultura
Era Generalitat apòrte 200.000 èuros ath Conselh Generau d'Aran entar aranés
Totun, des deth Conselh, se demane mès sòs entà poder hèr front as problèmes d'usatge sociau
Eth Govèrn dera Generalitat enfortís era proteccion e promocion der aranés damb un ampliament dera transferéncia ath *Conselh Generau d’Aran de 200.000 èuros
Eth ligam emocionau des aranesi e araneses damb era lengua, amassa damb era sua tenacitat a utilizar-la generacion a generacion, l’an convertit en un des elements mès importanti der auviatge culturau d’Aran e en un des pilars fonamentaus que configuren era identitat aranesa.
Aguesta decision arribe mesi dempús dera darrèra Comission Bilaterau Govèrn-Conselh Generau d’Aran, a on se prenec eth besonh de refortilhar es referents lingüistics e culturaus aranesi coma estrument e factor d’acuelhuda e coesion sociau, e de deféner es lengües deth territòri en un mon globalitzat.
Des deth Conselh Generau, totun, desconeishen se aguesti 200.000 èuros formen part deth traspàs acordat hè dejà temps o se serien part des 500.000 que reclamen coma hons entà poder auançar ena promocion der aranés.
A trauès d’aguesat comission, que s’amasse annauments, se hèn passi endauant damb eth prètzhèt d’auançar entar autogovèrn aranés e generar es sòns recorsi de besonh.