Sara Bailac, senadora e pòrtavotz deth grop parlamentari Esquerres pera Independéncia (Esquerra Republicana de Catalonha-Euskal Herria Bildu) a visitat era Nauta Ribagòrça e era Val d'Aran amassa damb era Assessors de politiques deth Pirenèu dera Deputacion de Lhèida, Roser Bombardó, entà per'mor de conéisher de prumèra man era situacion d'aguestes comarques pirenenques.


En Vielha, Bailac s'a amassat damb eth grop municipau d'Aran Amassa e es còssos der Ajuntament de Vielha entà per'mor de visitar ua solara proprietat deth Ministèri de Defensa, qu'ena actualitat s'utilize coma parcatge en tot seguir un convèni damb er Ajuntament de Vielha pr'amor qu'er espaci pogue auer aguest usatge. Era senadora republicana a explicat que des deth grop municipau ja hè temps que se reclame qu'aguest solar pogue utilizar-se entà bastir-i abitatge public a prètz accessible pr'amor qu'es joens e era gent de Vielha non les calgue partir a víuer dehòra pes anautits prètzi der abitatge. Bailac a destacat que, "des de Esquerra Republicana auem transportat aguesta peticion entà Madrid entà poder dar responsa ara urgéncia ena matèria d'abitatge que viu era Val d'Aran a on eth gran impacte toristic dificulte era disponibilitat d'abitatge accessible".


Deth temps qu'eth còsso de Vielha, Julián Fernández a mencionat que, "pendent aguesti ans des deth nòste grop municipau, auem tostemp insistit ena devolucion per part deth Ministèri de Defensa, d'aguesti terrens de manèra incondicionau e sense cap còst entara poblacion deth municipi. Dera madeisha manèra, insistim en usatge d'aguesti terrens, aluenhat dera especulacion e deth negòci immobiliari qu'a causat era actuau crisi der abitatge".


HÒNT: ESQUERRA REPUBLICANA DE CATALUNYA