Refús totau deth Conselh Generau d’Aran ara senténcia promoiguda peth Tribunau Superior de Justícia de Catalonha respècte era anullacion de quaqui articles que hèn a quèir era veïcularitat dera lengua aranesa enes diuèrsi centres educatius deth territòri en detriment deth castelhan.

Era Sindica d’Aran, Maria Vergés, a explicat a trauès des hilats sociaus qu’eth passat diuendres dejà mantenguec ua amassada telefonica damb era conselhèra d’educacion. Esther Niubó, entà trasladar-le era preocupacion deth govèrn d’Aran sus aguesta qüestion, e era volentat de mantier era sua posicion de respècte e potenciacion dera lengua e de supòrt ara escòla aranesa en aguesta contèxte. 

Era senténcia, que non ei fèrma, dejà a estat recorreguda pera Generalitat de Catalonha e tanben segondada publicaments peth pròpri Conselh. En sòn messatge, a destacat qu’era escòla aranesa ei un exemple d’integracion e coesion sociau e qu’era immersion lingüsitica e eth plurilingüisme se pòden gestionar damb succès coma a hèt dejà era escòla aranesa. 

En d’auti ahèrs, tanben s’a destacat que, per prumèr viatge enes darrèrs tres ans, eth quadre de professorat der Institut d’Aran ei complèt, un hèt que permet poder afrontar damb garanties er inici deth cors escolar.