Er Archiu Generau d’Aran digitalize mès de 32.000 imatges pendent aguesti dies.

Est an passat se hèren es protocòus notariaus enquiar an 1900 e enguan seguís de 1902 a 1940. Aguest procès s’emmarque laguens deth Plan Bruniquer, qu’ei un plan hè era Generalitat de Catalonha en toti es archius entà digitalizar toti es documents tà pujar ena plataforma Archius en Línia dera Generalitat de Catalonha tà poder consultar-les en quinsevolh part deth mon.

Se tracte de Documents protocolaris e notarius. En eri se pòt veir tot çò qu’ei relacionat damb era notaria, escriptures, compravendes, testaments, entre d’auti. Cada protocòu pòt auer ath torn des 1.000 pagines e provien dera notaria de Bossòst autant coma era de Vielha.

Era importància de trabalhar damb suenh es documents ei fonamentau pr’amor que se pòden hèr mauben damb facilitat.

Era escuretat ei fonamentau entà amiar endauant aguest trabalh tà que non i agen reflèxes enes imatges que poguen causar problematiques en procès de préner era imatge.