Abel Moga artenh era dusau posicion en Kicking Horse (CAN)

Eth freerider aranés, Abel Moga, a artenhut ua sensacionau dusau posicion ena tresau arturada deth Freeride World Tour, en Kicking Horse Canada.

Siguec eth quatau en gésser e susprenec a toti es presenti damb ua linha rapida autant coma arriscada ena que se jogaue eth fisic en cadua des sues acrobàcies. En aguest sens, inicièc era baishada per montanhes canadenques damb un eespectacular frontflip, qu’ei ua des sues especialitats, en tot seguir damb un aute backflip, que coincidic ena sua recepcion damb petiti arbes que i auie ena pala que lèu li hèn quèir mès qu’er aranés poguec controlar aqueri moments de pression tà finalizar era sua pròva damb un big air.

Enes imatges dera Go Pro se pòt apreciar encara mès era dificultat de toti es sauts e elements que desvolopaue Moga que le serviren entà arténher ua magnifica dusaua posicion damb mès de 90 punts, que le posicionen en un bon lòc tà disputar es finals qu’auràn lòc en Verbier, Soïssa, en ues setmanes.

Abel a igualat eth milhor resultat dera sua trajectòria esportiva qu’ère en Baqueira en an 2022.