Aguest maitin an començat es colònies d'ostiu d'Aran-Thal

96 mainatges an iniciat aguest dimars es colònies d’ostiu qu’organize cada an eth Centre Juvenil e Esplai Aran Thal. Un totau de 12 dies, a on es joeni dera Val d’Aran seràn amassa en ua casa de colònies de Catalonha. Enguan, er emplaçament escuelhut ei era localitat de Castell de l’Areny ena comarca deth Berguedà, a on les i demore un contunhat d’actiuetats tanplan vast entà que poguen gaudir pleaments d’aguesta experiéncia. Aguest viatge, en tot celebrar era 20au edicion, es responsables an premanit un programa d’actiuetats especiau.

Es colònies ajuden a que mainatges de desparières edats poguen conviuer pendent 12 dies, en tot compartir e hèr un exercici d’aprenentatge constant. Damb eri i aurà ua equipa de 15 monitors fixes, 4 que i seràn a temps parciau e ua equipa de codina. Tot çò de besonh entà gaudir des colònies.

Es colònies se inicièren en 1997. Per tant, en tot auer arribat ara 20au edicion, aguestes colònies an mercat era formacion de fòrça mainatges e tanben d’adults. Un trebalh qu’ath delà, es monitors hèn de manèra volontària, mès damb era satisfaccion de veir qu’es mainatges profiten era experiéncia.

Es pairs pòden èster tranquills e segurs qu’es sòns hilhs auràn un sojorn tanplan esvagat. Eth pròplèu 29 de junhsèga, quan dejà tornen tà casa, poderàn condar totes es causes qu’an aprenut enes colònies damb naui amics.