Aran Salut present en 12au Congrès Internacionau de Salut Digitau celebrat en Donostia/Sant Sebastian

Aran Salut i a presentat eth projècte de digitalizacion dera atencion domiciliaria integrada Salut e Sociau ena Val d’Aran.


Aguesta setmana auem auut er aunor de participar en aguest 12au Congrès Internacionau de Salut Digitau, un punt d’amassada de referéncia entà compartir experiéncies, innovacion e futur en contorn dera digitalizacion dera salut.


Era nòsta sosdirectritz medicau, Raquel López e eth nòste director de sistèmes, Sergio López presentèren era experiéncia d’Aran Salut ena Digitalizacion deth Modèl d’Atencion Domiciliària integrada e Centrada ena Persona ena Val d’Aran, un projècte que place as persones en centre dera atencion sanitària e sociau, en tot integrar estruments digitaus que pretenen melhorar era qualitat de vida, era autonomia e era proximitat assistenciau.

Telemedicina, gestion de donades, innovacion tecnologica e trabalh interdisciplinar mos permeten auançar de cap a un modèl mès uman, inclusiu e sostenible, adaptat as besonhs deth nòste territòri.


HÒNT: ARAN SALUT