Aransalut met en marcha eth projècte Planifi.cat entà ua melhora atencion as pacients cronics en Centre d’Atencion Primària
22/09/2025
SOCIETAT
Vielha
Qué ei Planifi.cat?
Planifi.cat ei ja ua realitat en nòste centre. Aguest innovador projècte de programacion proactiva de pacients cronics, impulsat a nivèu deth sistèma sanitari public, a per objectiu melhorar era atencion clinica e optimizar era gestion dera demanda previsibla d’aguesti pacients, que representen apròp deth 32% dera poblacion adulta assignada.
- Un estrument que transforme era gestion dera cronicitat
Planifi.cat emplegue un algorisme qu’analise automaticaments es donades cliniques des pacients ena Estacion Clinica d’Atencion Primària (Programa d’istòria clinica informatizada) e prepause annauments es visites e pròves de besonh segons era sua patologia. Aguesta informacion ei revisada e validada pes professionaus sanitaris, mètge o infermièra, que pòden adaptar eth plan individualizat. Un còp validat, eth pacient entre en circuit organitzatiu deth programa.
Ua nauetat ei eth ròtle der Administratiu damb era ajuda d’un algorisme de decision predifinit, qu’assumís era gestion logistica des visites e pròves, hè recordatoris, reorganize cites s’eth pacient non i va, e assegure atau era continuitat assistenciau. D’aguesta manèra, eth personau sanitari pòt centrar-se er eth prètzhèt clinic e es pacients an un seguiment mès estructurat e accessible.
HÒNT: ARAN SALUT
Planifi.cat ei ja ua realitat en nòste centre. Aguest innovador projècte de programacion proactiva de pacients cronics, impulsat a nivèu deth sistèma sanitari public, a per objectiu melhorar era atencion clinica e optimizar era gestion dera demanda previsibla d’aguesti pacients, que representen apròp deth 32% dera poblacion adulta assignada.
- Un estrument que transforme era gestion dera cronicitat
Planifi.cat emplegue un algorisme qu’analise automaticaments es donades cliniques des pacients ena Estacion Clinica d’Atencion Primària (Programa d’istòria clinica informatizada) e prepause annauments es visites e pròves de besonh segons era sua patologia. Aguesta informacion ei revisada e validada pes professionaus sanitaris, mètge o infermièra, que pòden adaptar eth plan individualizat. Un còp validat, eth pacient entre en circuit organitzatiu deth programa.
Ua nauetat ei eth ròtle der Administratiu damb era ajuda d’un algorisme de decision predifinit, qu’assumís era gestion logistica des visites e pròves, hè recordatoris, reorganize cites s’eth pacient non i va, e assegure atau era continuitat assistenciau. D’aguesta manèra, eth personau sanitari pòt centrar-se er eth prètzhèt clinic e es pacients an un seguiment mès estructurat e accessible.
HÒNT: ARAN SALUT
Manu Moga