Arribe era 19au edicion dera Pedals de Foc Non Stop
Damb un totau de 1.000 participaires entre totes es categories, un succès que non auie de hège ans
Aguest fin de setmana torne era pròva ciclista de BTT PEdals de Foc Non Stop que celebre era sua 19au edicion, damb eth tradicionau recorregut que a a Vielha coma punt de gessuda e d’arribada. Aguesta competicion tornaue hè tres ans as sòns inicis perqué deishaue d’èster Campionat d’Euròpa d’Ultra Maraton e recuperaue er esperit mès popular.
Enguan eth recorregut seguís damb bèra nauetat coma era arribada en Port dera Gelada, just dempús deth Tunèl de Vielha, un paratge espectacular que serà un des punts de mès emocion dera corsa.
Se manten eth perfil abituau de mès de 200 quilomètres e mès de 6000 mètres de desnivèu positiu, en tot creuar bona part dera Val d’Aran e es comarques vesies de l’Alta Ribagorça, Pallars Sobirà e Pallars Jussà
D’abituda aguesta pròva acuelh ath torn de 800 inscrits e diuèrsis categories en un des classics eveniments esportius d’ostieu en Vielha e Mijaran, mès enguan se demore era arribada d’un totau de 1000 participaires.
