Arrinque ua naua sason de bicicleta de carretèra ena Val d'Aran
Dera man de Royal Cycling, qu'a recuperat aguest espòrt des de 2023, damb eth prètzhèt de potenciar era base deth territòri
Arrinque ua naua sason de bicicleta de carretèra ena Va d’Aran. Cau rebrembar qu’aguest espòrt se recuperèc coma club en an 2023 dera man de Royal Cycling tà qu’era mainadèra pogue conéisher er espòrt des dues ròdes, autant coma sajar de crear ua base competitiva e arribar a èster esportistes d’eleit.
Eth club impulsat dera man de Lucas Casas, un joen aranés d’Arties, qu’arribèc a instàncies Pro Tour, en tot participar en corses de tanplan bon nivèu damb es milhors especialistes deth ciclisme, a coma objectiu qu’es mès petiti poguen soniar damb èster professionaus bèth dia.
Aguest espòrt se pòt complementar fòrça ben damb d’auti espòrts que se practiquen en iuèrn coma eth esquí de hons.
Aguest an, Royal Cycling organizarà ua pròva deth circuit de Catalonha, un pas mès que permeterà apropar competicions de naut nivèu en Aran.