Bagergue hestège Santa Margalida

Era poblacion de Bagergue a hestejat un an mès era sua tradicionau jornada de Santa Margalida. Mès de 150 persones s’amassèren en aguesta capèla, plaçada a 1,5 quilomètres dera poblacion de Naut Aran entà gaudir d’aguest dia, en tot hèr romiatge a pè o apropar-se damb eth veïcul.

Era capèla, qu’originaument siguec lheuada en sègle XIX, se cremèc ena epòca dera Guèrra Civiu Espanhòla en tot deishar as vesins d’aguesta poblacion sense un des sòns maximoms exponents arquitectonics. Ans mès tard, en an 1962, un grop de vesins, de manèra volentària, decidic tornar a bastir era ermita de Santa Margalida entà poder tornar-la dignificar e aufrir un nau espaci de devocion.

S’a amiat endauant era tradicionau missa en aunor a Santa Margalida, balhs hestius e era benediccion deth pan, vin e hormatge de Tarrau dera pròpria hormatgeria de Bagergue.

Cau rebrembar que se complissen 63 ans des dera sua reconstruccion e que hè 3 ans se hèc un romiatge commemoratiu damb gessuda dera poblacion.