Càritas cerque volontaris entà exercir acompanhament educatiu

Càritas Val d'Aran cerque volontaris entara sua campanha d'acompanhament educatiu. 

Eth projècte preten acompanhar as escolans tà aquerir abituds d’estudi, cercar motivacions enes contenguts e facilitar-les un espaci adaptat entà hèr es déuers e que les permete relacionar-se damb mainatges e mainades dera sua edat damb activitats que trabalhen diferentes valors.

Es volontaris an d'auer mès de 16 ans e coneishements enes matèries des estudis que s'impartissen enes diferents corsi, les a d’agradar eth tracte damb menors (auer paciéncia, empatia; transméter valors de convivéncia damb accions, activitats e paraules) e an d’èster participatius e comunicatius tant damb es mainatges e mainades coma damb era entitat.

Eth volontariat ei de dues ores setmanaus pendent eth cors actuau e se realizarà en centre de Càritas: ena Avenguda Maladeta numerò 14 de Vielha.

Entà mès informacion e inscripcions vos podetz dirigir ath madeish centre, picar ath telefòn 973641357 o enviar un mail a: [email protected]