Comèncen es òbres de reurbanizacion dera Plaça Còto Março de Vielha

Aguesta intervencion balharà protagonisme as pedons, en ua intervencion que se compren coma ua prepausa globau que vò omogeneïzar era plaça e eth sòn entorn entà méter en valor es elements caracteristics existenti (era Glèisa Sant Miquèu, es façades e era vegetacion) e connectar-se damb eth centre istoric.

Ena plaça i aurà un paviment caracteristic que ligarà es desparières zònes e accèssi, en tot favorir es circulacions intèrnes en quinsevolha direccion e sentits possibles entre es carrèrs que i arriben. Atau madeish, i aurà un seguit de mobiliari urban qu’ajudarà a acotar er espaci reservat ath transit.


Fin finau, i aurà vegetacion que permeterà que i age zònes d’estada e damb ombra. Se mantieràn es tres arbes existenti e se n’i plantaràn dotze mès.


HÒNT: AJUNTAMENT DE VIELHA E MIJARAN