Er Ajuntament de Vielha e Mijaran organize eth cicle “Ostiu en Familha” damb activitats familhars gratuïtes pendent es mesi de junhsèga e agost

Aguesta iniciativa includís ua sòrta d’activitats gratuïtes (teatre familhar, jòcs de husta e sessions de cinèma infantil), en tot amiar-se a tèrme cada dissabte pera tarde, en desparièrs lòcs de Vielha.

Eth programa d’activitats ei eth següent: 3 de junhsèga: Teatre Familhar “Els secrets de Mr. Stromboli” (damb El que me queda teatre) ena Plaça dera Glèisa, 10 de junhsèga: Session de cinèma infantil en Era Audiovisuau, 17 de junhsèga: Jòcs de husta (a cargue d’Art Faig) ena part nauta dera Avenguda Pas d’Arró, 24 de junhsèga: Teatre Familhar “A la fresca” (damb Ana Confetti) ena part nauta dera Avenguda Pas d’Arró, 31 de junhsèga: Jòcs de husta (a cargue d’Art Faig) ena Plaça d’Aran, 7 d’agost: Teatre Familhar “Remember Show” (damb Teatre Mòbil) ena Plaça dera Glèisa, 14 d’agost: Jòcs de husta (a cargue d’Art Faig) ena part nauta dera Avenguda Pas d’Arró, 21 d’agost: Session de cinèma infantil en Era Audiovisuau e, 28 d’agost: Teatre Familhar “Chef Nature” (damb Markeliñe) en Passeig dera Libertat.

Ei de besonh rebrembar que pendent totes es activitats s’an de complir obligatòriament es mesures sanitàries vigentes pera pandémia dera COVID-19. Es activitats que se realizen en carrèr, en cas de mau temps s’amiarien a tèrme en Centre Polivalent.

“Des der Ajuntament de Vielha e Mijaran auem premanit aguest ample calendari d’activitats entar ostiu entà amenizar es tardes des dissabtes e qu’en pogue gaudir tota era familha”, comente era còsso de cultura, Raquel Martínez. E ahig que “era bona situacion en relacion ara pandémia permet començar a organizar activitats, e que, pòc a pòc, pogam tornar a ua cèrta normalitat”.


HÒNT: AJUNTAMENT DE VIELHA E MIJARAN