Er Institut d'Estudis Aranesi-Acadèmia Aranesa dera Lengua Occitana aurà ua naua sedença en Barcelona
Era sedença se localizarà laguens deth pròpri Institut d'Estudis Catalans e aurà era sua inauguracion eth pròplèu dia 3 d'octobre
Er Institut d’Estudis Aranesi-Acadèmia Aranesa dera Lengua Occitana compdarà damb ua delegacion pròpria damb sedença en Barcelona.
Er IEA ei ua des dues acadèmies de Catalonha damb er occitan, aranés en Aran coma lengua oficiau en Catalonha e cooficiau en Estat Espanhòl.
Eth diuendres dia 3 d’octobre s’harà era inauguracion oficiau damb un acte laguens deth pròpri Institut d’Estudis Catalans. Serà de caractèr institucionau e de presentacion damb Teresa Cabré, presidenta der Institut d’Estudis Catalans, e Jèp de Montòya, dera aranesa. Tanben s’haràn conferéncies dubèrtes ath public sus era lengua e es relacions occitano-catalanes a cargue de Patrici Pojada e Ramon Sistac.
Per ara, serà un tecnic qui se traparà en aguesta sedença de Barcelona entà amiar tot tipe de mestièrs.
Era sedença principau serà ena Val d’Aran, mès eth hèt d’èster en Barcelona permet amassar-se damb era rèsta d’institucions lingüistiques e d’autes coma era Generalitat de Catalonha en tot garantir naues oportunitats.
