Era Bibliotèca Generau de Vielha acuelh era exposicion “Hemnes Fòrça Capaces” des usatgèrs d’ADDA

Era exposicion nomentada "HEMNES FÒRÇA CAPACES" preten méter en relèu era dobla discriminacion que patissen es hemnes damb discapacitat_ per èster hemnes e per auer discapacitat. 

 

Tanben, volem méter en valor era importància dera accessibilitat cognitiva.Es tèxtes que veiratz ena exposicion son redactadi en Lectura Facila, entà que siguen mès facils de compréner e permeten er accès ara informacion a totes es persones. Er accès ara informacion ei un besonh sociau e un des drets fondamentaus includidi ena Convencion de Drets des persones damb discapacitat deth 2006.

Per aquerò, des d'ADDA auem seleccionat a tres hemnes damb discapacitat entà conmemorar eth sòn trebalh e esfórç pera igualtat de genre e pera zèro discriminacion. 

Destacam, tanben que es ilustracions dera exposicion son hètes pes persones que formen part deth talhèr ocupacionau ADDA.